【醫生信箱】Q50. 小朋友是否選擇性緘默症？

Q50: 我有個南亞裔學生小三時好正常，經常笑和吱吱渣渣，小四轉左班被老師經常投訴冇禮貌、吾采人，小五回歸我跟，她真的很沉默，冇咩眼神接觸，冇表情兼問十句佢細聲回一句， 有天我教功課時，她用memo 紙上寫上：老師你可以講慢一點嗎？ 隔天我輕輕拍她肩膀說： 你有需要可以寫紙仔俾我，我okay 既」 當日離開時她有向我揮手和微笑，是開學以來第一次。 請問：她是否似患有選擇性緘默症？還是其他緘默症會在高小的時候才發生嗎？因為是南亞裔基層家長應該唔識處理。

---

Ans.: 關於選擇性緘默症，可以參考﹕https://www.healthymindhk.com/post/selective-mutism

個同學仔小三正常、小四開始無禮貌、小五表現沉默但會用 memo 紙同老師溝通，同埋會對老師揮手和微笑 (證明老師做得好好) … 如果只係睇佢小五既表現，咁同選擇性緘默症既徵狀係接近既，如果佢係其它地方係可以溝通正常，咁就好大機會係選擇性緘默症。當然非典型既地方係選擇性緘默症通常係比較細個嗰陣出現 (2-4歲)，另一個非典型既情況就係佢小三正常、小四亦都無相關問題...

所以要了解下，有無其它問題(例如欺凌、言語溝通障礙等等)發生左，導致佢出現小五既情況。我既理解係，佢依家好怕社交、好怕同人接觸... 而呢個情況係呢一年先發生，咁所以我都會諗係咪佢有社交焦慮症，一個更加普遍既病症(通常係青少年時期發病)。

https://www.healthymindhk.com/post/social-anxiety-disorder (有興趣既家長可以睇下)

社交焦慮症既病發率 ~7-13%，選擇性緘默症係 0.2 - 3%。

當然除左社交焦慮之外，都要諗下佢既社交能力﹕係咪佢係社交方面比較弱，唔知道係咩場合應該做啲乜，導致無乜朋友，導致番學唔開心? 如果係呢個情況，就要諗下佢有無機會係自閉症譜系。

當然，以上都只係我基於老師既描述去諗，實際係點，要見左小朋友先可以分辨到。 ✍🏻撰文：精神科專科醫生 張正平醫生