【醫生信箱】Q38. Ritalin 一日可以食幾多？

Q38. 7歲，請問有冇話一日最多食幾多小時藥效嘅 Ritalin？因為小朋友升小學之後，其實需要朝早八點去到夜晚八點都有啲專注力，先至可以做晒功課。但係佢食LA，都好似得六個小時咁。咁我係咪可以一日食兩粒LA架？

---

Ans.: 臨床上面就無話一日可以食幾多小時既 Ritalin，不過一般希望藥力係晚上10時前可以結束，儘量減少對睡眠的影響。

反而最大劑量就有建議，普遍指引為: 1mg/kg/day (唔同既指引有差異存在)，唔超過60mg/day.

咁用幾長效，主要係視乎小朋友既須要，一般嚟講，12小時既藥力 (concerta 或者 Vyanse) 已經好足夠。小朋友既情況可以考慮下以上兩種藥。如果分開2次食Ritalin LA，效力就有機會嚟到 16小時，咁最擔心既就係藥物既副作用，例如增加小朋友既入睡困難。如果小朋友因為咁瞓得差左，第二朝無精神上堂... 咁係得不償失既。

記得唔好自己亂咁試，一定要同醫生商量左先。不妨將你既疑問話俾醫生聽，等佢同你一齊傾下點樣合理咁調較啲藥。

✍🏻撰文：精神科專科醫生 張正平醫生