【醫生信箱】Q24. 行為問題(不能站定，會不停周身郁、四處張望)？

Q24. 小朋友 2 年前被評為 ASD，最主要是社交和溝通技巧的問題，經訓練後，現在與一般小朋友沒甚差異，但發覺在一些特定的時候，例如一班小朋友表演唱歌時，別人都是站好唱歌和做動作，而我的小朋友在整個過程中都是不能站定，會不停周身郁、四處張望，間中唱幾句做幾下動作便又再不停動和四處望，結果在一班做著同一件事情的小朋友中，她的行為顯得相當怪異，我擔心她有沒有其他問題存在。

---

Ans. 我估家長會擔心佢係咪過度活躍 (ADHD)。咁呢, 我地睇一個小朋友有無 ADHD，就唔會睇單一事件既，要睇下佢有無係其它地方都有類似問題，例如上堂、去補習社，其它興趣小組等等，有無類似既情況。亦都要睇下佢有無其它既 ADHD 徵狀，例如離位、橫衝直撞、難以自控、難以安靜地玩玩具或參與休閒活動等等等等。最後都要了解下，呢啲行為有幾影響小朋友既生活。

家長可以使用 SNAP-IV 問卷，睇下小朋友有 ADHD 既傾向大唔大﹕https://www.healthymindhk.com/snap-iv

關於 ADHD 既更多資料，可以參考我們的網站資料﹕

https://www.healthymindhk.com/adhd ✍🏻撰文：精神科專科醫生 張正平醫生