【醫生信箱】Q35. ASD男生對聲音氣味十分敏感，怎麽辦？

Q35. 16歲ASD男生，醫生確診有Anxiety disorder，本身對聲音氣味敏感，曾經因為在學校聲音氣味問題和突發事件，出現幾次大爆情緒，所以近一年成為同學的取笑對象，亦失去朋友。 他說每次遇到類似情況或者聽說類似情況，就會想起哪些經歷，記得被人笑那種痛的感覺，而且會好緊張好驚。在外面每次想起痛的感覺，就會忍住，回到家就爆發大叫，會鬧自己不應該咁驚，係失敗。 最近與社工和醫生講他這情況，社工和醫生勸他說不應大叫，大叫會影響其他人，應該對自己說正面的說話，他回家就爆發，說社工和醫生不明白他，只係識講要正面，事情亦已經過去。他說越講越氣憤激動，說事情過去不代表不痛，沒有人明白他，全世界都要他迎合個社會和其他人，覺得好累，好辛苦。暫時媽媽仍然可以安撫到他，但已經開始覺得無力，家人應該怎樣做？

---

Ans. 讀完你既問題，感受到你作為照顧者既壓力，亦感受到你的無力感。在照顧仔仔的同時，都希望你儘量抽時間照顧下自己，你既情緒同樣值得關注。

先分享一篇心理學家的文章給你參考一下﹕https://www.healthymindhk.com/post/theory-of-mind-asd

ASD 既成長路上有機會遇上不同挑戰，感官差異、社交困難、情緒困擾都係其中常見既問題。仔仔對於專業意見既反感，在於"覺得不被明白，不被接納，只有佢須要改變"，所以佢覺得好辛苦，好憤怒。

家長可以嘗試做既，主要係 1) 接受仔仔既困難 (佢都唔想對啲聲音氣味咁敏感)，共同尋找可行的解決辦法；2) 接納仔仔既情緒須要，尋求安全既替代方案俾佢發泄；3)避免否定既說話 (你唔應該咁，唔好成日諗番過去...)。

仔仔既情況比較複雜，除左醫生、社工，都可以搵心理學家同仔仔傾下。

✍🏻撰文：精神科專科醫生 張正平醫生