【醫生信箱】Q4. 抽動症情況變差？

Q4.: 小朋友初期發現妥瑞症時，面部動作較聲音多，呢個星期面部動作少了，但聲音變得非常多，如果不制止，每分鐘可以有近20次，音量還要又大又尖又密，令我和爸爸覺得極煩，情緒變得很差，我問過小朋友點解係學校唔會咁嚴重，老師甚至話佢出現的都是小問題，沒有做成大影響，小朋友話係學校忍得好辛苦，返到屋企忍不到了，請問小朋友表現是否正常，為何症狀會如此改變？請問有何方法或渠道可以幫助小朋友？

---

Ans.: 想深入認識妥瑞症的家長可以參閱以下文章﹕https://www.healthymindhk.com/post/tic-disorder

妥瑞症的診斷標準包括：動作和聲音抽動同時存在、症狀持續至少一年，幾乎每天出現、發病年齡在18歲前、排除藥物或其他身體疾病的影響。

Tics (抽動行為) 既定義係非自主動作，即係個行為本身係非不能控制的。但有時有啲小朋友係可以係佢出現或就黎出現嗰陣壓制佢。當然啦，呢啲壓制好多時會導致精神疲倦或不適。

抽動症和妥瑞症沒有根治方法，但如果症狀影響日常生活，可以透過治療控制。治療目標是減輕抽動和改善生活品質，而不是完全消除。

• 行為治療：如行為干擾治療法（CBIT, Comprehensive Behavioral Intervention for Tics），教導孩子察覺抽動前兆，並用其他動作取代。

• 藥物治療：如果抽動嚴重，可考慮使用多巴胺藥物（例如Risperidone, Aripiprazole）或腎上腺素受體促效劑（如 Guanfacine）來抑制抽動。對於共病如ADHD或OCD，可能需要額外的藥物去改善。

• 心理治療：幫助孩子應對焦慮、壓力或社交問題。家庭治療也能讓家長學習支持技巧。

✍🏻撰文：精神科專科醫生 張正平醫生