【醫生信箱】Q5. 轉左正廠藥, 情況差左?

Q5.: 之前睇私家食專注達副廠藥，情緒都好正常。最近2個星期，排到政府開藥，食正廠。情緒有少少就好爆。Vay-r (維智寧) 之前食2粒，我都改返1粒。情緒突然咁爆，會唔會關正副廠藥問題？

---

Ans (✍🏻精神科專科醫生 張正平醫生)

其實小朋友可能經歷緊其它轉變 (功課多左, 就嚟考試, 家庭衝突多左等等)，呢啲外在因素都可能影響到小朋友既情緒。

咁如果佢係食左 Vay-R 先開始情緒爆, 就試下直接停左個 supplement。

如果佢係轉左正廠先開始情緒爆，咁你可以試番副廠藥。

呢度都分享多少少，專注達正廠係 Janssen 既 Concerta，副廠係TEVA 既 Methylphenidate Extended Release, 兩個既主要成份係一樣既, 都係 Methylphenidate (Ritalin, Ritalin LA 既主要成份都係 Methylphenidate)。

但 TEVA 既藥物釋放機制唔係 Concerta 用既 OROS (osmotic release oral system)。簡單啲講，係有少少唔同既。如果轉左覺得有分別，咁係可以考慮轉番你原先用開既藥。

延伸閱讀﹕正廠藥vs副廠藥(仿製藥)，有甚麽分別？