【醫生信箱】Q75. 8歲，求診15分鐘是否足夠 診斷 ADHD？
- 3月15日
- 讀畢需時 2 分鐘
已更新：4月4日
【醫生信箱】Q75. 阿仔被某精神科醫生確診ADHD，但成個過程只係入咗診症室10-15分鐘左右，醫生主要係同我傾，聽我講覺得阿仔有嘅症狀和問題，跟住同時間再觀察下阿仔喺診症室嘅行為一陣間就已經確診左佢係ADHD，其實精神科醫生係咪可以只透過短時間嘅觀察已經可以確診ADHD，唔需要做任何Test去confirm呢？
Ans (✍🏻精神科專科醫生 張正平醫生)
15 分鐘是不足夠一個 ADHD 診斷？
一般來說，一個負責任嘅ADHD診斷，好少可以單靠10-15分鐘的會面就完成，尤其當病人是小朋友或者青少年。雖然有經驗嘅醫生可以透過短時間觀察到一些典型行為（例如不停郁動、周圍望、坐唔定），但ADHD 的診斷核心並不是單靠診症室入面所觀察的行為。
根據國際診斷指引（例如 DSM-5），一個完整的 ADHD 診斷需要滿足以下條件，比較難在15分鐘內完成：
須確認症狀在不同的場合出現，並且維持至少6個月。
須排除其他可能性，例如焦慮、抑鬱、睡眠不足、甚至學習障礙
須留意是否有其它共病，例如 ASD, Tic disorder 等等
須回顧小朋友發展史，了解小朋友由幼稚園到小學的成長細節。
醫生是否一定要做「Test」？
以下是一般的ADHD 評估流程
采用標淮化問卷先了解小朋友的情況，例如 SDQ, SWAN, SNAP-IV 等等
家長詳細描述病史及行為問題，回顧小朋友過往發展報告、評估報告、學業報告
臨床觀察，視乎小朋友情況，決定是否須向學校查詢小朋友表現
電腦化注意力測試（例如TOVA, CPT等）不是必須的，亦不是每間診所都能提供。但相關報告能作為很好的輔助診斷工具及監察治療效果工具。
如果你對於醫生的診斷有懷疑，你可以：
直接向相關醫生作出查詢
尋求第二位醫生（second opinion）的意見，作出更全面評估
ADHD如果正確診斷同管理，對小朋友幫助好大，但準確性最緊要。診斷唔係「一刀切」，而係一個過程，須要從多方面了解小朋友的困難。