【醫生信箱】Q79. 7歲ADHD小朋友，可否平日用藥，假日停藥？
- 7小时前
- 讀畢需時 2 分鐘
【醫生信箱】Q79. 7歲，請問服用ADHD藥物，如果星期一至五食，但星期六日唔食，長遠有沒有影響呢？
Ans (✍🏻精神科專科醫生 張正平醫生)
長遠會否做成影響，主要視乎個別情況(每位小朋友嘅ADHD徵狀、使用藥物、藥物反應同生長情況都唔同)，唔係絕對「有」或「冇」。另外，ADHD須要的是一個全面的治療方案及跟進 (結合藥物、行為管理、家校合作、家長管教技巧等等)，而不單單是使用藥物與否。
使用藥物
如果小朋友正在服用的藥物是非刺激中樞神經藥物，例如Atomoxetine
藥物假期是不建議的。Atomoxetine 一般需持續服用4-6週等待藥力見效，藥物假期有機會影響藥效，小朋友在藥物假期後或須時重新適應。
如果小朋友正在服用刺激中樞神經藥物，例如 Ritalin, Concerta 或 Vyvanse
普遍指引不建議因為「不用上學」就自行停藥。因為ADHD影響唔單止上學，仲包括日常生活、情緒調節、社交等。許多意見指出，除非有明確副作用問題（如明顯生長受影響或嚴重食慾不振），否則不建議常規藥物假期。如果你擔心藥物的副作用，亦有其它方案可以安排。
藥物假期可能的好處與風險
可能的好處
減輕副作用：藥物常見副作用包括食慾下降、體重增長較慢、失眠。週末停藥可以讓小朋友食得多啲、休息得好啲。
評估需要：停藥期間可以觀察小朋友表現，幫助醫生判斷藥物劑量或是否仍然需要藥物。
可能的風險
症狀反彈：ADHD症狀（專注力差、衝動、過動）可能喺週末反彈，影響家庭生活、課外活動、社交或安全（例如衝動導致意外）。即使唔上學，腦部同行為發展都係持續緊，停藥可能錯過穩定發展嘅機會。
副作用反彈：停咗週末，星期一再食藥時，副作用（如頭痛、噁心、食慾差）可能暫時更明顯，因為身體要重新適應。
總結嚟講，短期週末停藥對大多數小朋友長遠發展或藥效影響有限，但需要平衡上述好處與風險。許多小朋友其實需要週末適度用藥來維持生活規律和人際和諧。最理想的做法是與您的主診醫生制定一個較為彈性的用藥計劃，並配合行為治療。