【醫生信箱】Q28. ADHD評估, 應該搵心理學家, 還是精神科醫生？

Q28. 8歲，想幫小朋友做ADHD評估，請問由心理學家及精神科醫生評估兩者有什麼分別?如果由心理學家評估後，是否可用該報告再同精神科醫生研究治療方案?是否有部份醫生不接納其他報告，如要開藥只能再接受一次醫生評估?想幫小朋友評估，但不知應如何選擇，謝謝

---

Ans. 感謝你既提問，我估有好多家長都有相同既問題。就住呢個問題，我都同教育心理學家討論過。

ADHD 主要係臨床診斷。心理學家同埋醫生 (精神科、兒科)都係受過訓練去做呢個評估，但醫生偏著重臨床評估，心理學家會用唔同既工具去協助評估。

所以首先呢，兩者係無衝突既! 有啲個案都係須要跨專業咁去處理。我地都接唔少既 case 係搵左心理學家評估，然後再搵我地跟進用藥。咁當然，我地除左參考心理學家份報告，都係會做番我地平時既評估流程。

不過呢，要留意番，當申請調適既時候，有啲學校係一定要醫生既診斷報告!! 呢點一定要留意番，亦都要咨詢番學校 (如果想申請調適)

另一個重大既分別係，只有醫生可以處方藥物，心理學家係用唔到既藥。 ✍🏻撰文：精神科專科醫生 張正平醫生