Q67. 7歲兒子有ADHD，專注力非常差，經常聽不到別人說話，而且情緒不太穩定，很容易感到害怕，社交亦不太好，只愛跟弟弟和家人玩，不太會跟其他小朋友玩，容易跟其他小朋友起衝突，不太懂看人眉頭眼額及理解他人感受。非常多言，但不善於聆聽。 現服Concerta 27mg（體重22.2kg)，藥效期間雖有明顯進步（專注力有改善、較安靜），但療效仍不足（專注力仍然低），專注力10分滿分而言，由未服藥的0-1分，到藥效期間有4分，但專注力還是比無須吃藥的雙胞胎兄弟及其他同齡小朋友低很多。而且沒藥效的時候反彈非常厲害（包括早上及晚上六時後）。 而且服藥後嚴重影響睡眠，雖然睡前有讓他吃2mg periactin及2mg melatonin (time-release)幫助入睡，但睡眠質素仍不太好，害怕睡不夠影響growth hormone release、影響發育及腦部發展，他目前較矮小（比孖生兄弟明顯矮，而且差距越來越大）。加上他有鼻敏感、鼻軒、睡時張口呼吸，亦影響睡眠。 請問我應該逐步轉Strattera嗎（如18mg Concerta + 10m

Q66. 小朋友八歲，ASD+ADHD ，食緊4個鐘嘅專注藥，語言發展特別遲緩，有做緊ST，因為之前CAC建議兩年後再做評估，所以最近學校同佢做智力測試，評估報告話佢係輕度。宜家係超小班教學嘅主流小學讀緊小二（師生比例1：4），最近佢自己開始對數學科同埋英文科分數比較著緊，英文默書錯左三個字攞唔到滿分，老師話佢係學校嚎哭，隔離班房都聽到佢喊，數學科最近幾次派試卷，佢都會喊，但未至於嚎哭。但係其他科佢無呢啲情況，甚至番到屋企，就算改正數學同埋英文卷，見到呢啲分數佢都若無其事，無因為分數而有情緒起伏。我哋夫婦對佢從來都無過多學術要求，只係要求佢完成功課。但係係屋企做功課就比較多負面情緒，例如抄寫錯左要擦，佢就會有啲炆，甚至肉緊到要捉住我/或者好克制力度甘搣我。呢啲情況每日都會出現，不過持續時間短而且力度唔大。 讀埋小二就要轉校（學校停辦），佢最近放學回到家中間中就會講下“2026年去xx小學（宜家嘅小學）讀三年班” 佢今年喊嘅情況多左，學校老師就話佢今年“玻璃心”，大聲啲話佢就已經喊（唔係扮嘅），上年小一係鬧佢都仲若無其事甚至嬉皮笑臉。...

Q65. 孩子一直有服用 專注達 Concerta 27mg和Abilify 20mg，在小學階段只有輕微的右眼袋抽動情況，今年上中一後，在10月份出現右肩頻繁抽動，一分鐘達30次以上，向政府精神科醫生反映後，醫生指示暫停服用專注達及安排12月初覆診。而在停药這一個月，孩子不能導守課堂常規要求，而肩抽動在停藥初的兩星期有明顯減少，但在後两星期又频繁達每分鐘20次以上。而12月9日見醫生後轉用 Vyvanse 20mg，抽動情況有所減少。而按孩子所說，他在班上覺得受三位同學聯合對付，很不開心，而老師/家長又幫不上忙，所以感覺很大壓力，很不快樂，而學校EP有提醒我，孩子可能出现"解離"的狀況，現在，我很迷茫如何去幫孩子解決抽動這个狀況，而現時也只有多幫他按摩放鬆肩膀，另外，我觀察到孩子睡眠時，沒有抽動的情況。 Ans (✍🏻精神科專科醫生 王崇瀚醫生) 在適應中學生活時期肌肉抽動增加的情況是很常見的。 研究指出大概20%至30%的ADHD兒童同時患有肌肉抽動症。ASD的兒童當中也有20%的共病率。傳統上的理解是治療ADHD的刺激中樞神經藥物，如Co

Q64. 小朋友有adhd 和妥瑞症，早前政府醫院覆診，專注達藥藥量由18加到27mg ，醫生都關注佢妥瑞症問題，因為見佢抽多左，但又剛巧撞正準備考試嘅溫習周，所以沒法判斷是壓力還是其他原因抽多左，咁醫生都有建議Clonidine呢隻藥，醫生話呢隻藥係可治療adhd 同妥瑞症，但要每星期返醫院覆診一次調較藥量同不可自行停藥，咁其他嘅資料醫生請我自己用 AI 去了解下，因為外面太多病人同未決定轉唔轉藥。其實我用 AI 睇完後，除左食藥時間由早變晚及副作用有不同外，都不太明白隻藥點係點幫到小朋友，要返醫院調較幾多次？也不知是否適合我嘅小朋友用藥，如何才是合適或不適合，如果用用下藥發現唔對路可點處理等等，可否請醫生幫忙，解釋給我聽🙏🏻謝謝你 Ans (✍🏻精神科專科醫生 王崇瀚醫生) 被診斷ADHD的兒童 同時出現抽動症狀（突然、重複且非自願的動作或發聲）的情況相當普遍。醫學研究顯示，約30%至50%的ADHD兒童可能同時患有例如妥瑞氏症的慢性抽動障礙。抽動在大壓力或興奮狀態下往往加劇。當兒童同時患有ADHD與抽動症狀時，治療方案必須謹慎選擇以便

Q63. 孩子5歲，high functioning ASD，請問服用lactobacillus reuteri是否合適？本身有食PS 128。 Ans. (✍🏻精神科專科醫生 王崇瀚醫生) 益生菌與自閉症 益生菌的初始理念：腸道-大腦軸線 最初將益生菌用於自閉症（ASD）的想法是基於「腸道-大腦軸線」理論，即消化系統與大腦之間存在著持續的雙向溝通，影響著我們的功能。同時，許多患有自閉症的兒童也經常經歷頻繁的腸胃道問題，例如便秘、腹瀉和腹痛。 該理論認為：腸道菌群的失衡會導致發炎，進而影響大腦，並使自閉症症狀惡化。理論上，調整這種菌群平衡應有助於重新平衡 腸道-大腦軸線。 整體結果令人失望 目前，科學界還是沒有在高階的研究結果中找到很多支持益生菌的數據。當研究者在系統性回顧（一種很強的研究數據統合方式）中綜合多項研究數據時，他們發現益生菌並不能對自閉症的核心症狀（如社交溝通或重複性行為）產生顯著的改變。這項證據概括了益生菌並不是有效治療自閉症的基礎療法。 小型研究 數據 今天所討論的兩種益生菌菌株在小規模的試驗中顯示出對某些特定行為/指標有所幫

Q62. 女女9歳，5歳CAC 評了ASD + 早期讀寫，7歳EP 評了讀寫困難，而家在主流中文小學就讀，她好勤力，但中文真係仲係好差。老師同我都好多鼓勵，佢都自己要求補習，8歳小三1週1次，下學期測考前開始出現焦慮到失禁。10月中小四測驗前，補習老師無理地鬧佢﹕死蠢、咁蠢架，教極都唔明。佢果一星期就嚴重焦慮，一定要痴實我，不停問我﹕我咁蠢點算？可唔可以考0分？我咁蠢係咪要死？媽媽你死左我點算(1日問廿次都有)？所以我果星期無同佢溫書，而係同佢放鬆同畫畫增強佢自信先。當然，果間補習立即停，唔會再去，我女都好怕嗰位老師。而之後女女要求想日日都溫書，我同佢安排功課班(適應新環境及新老師 2星期)。佢而家都喜歡這位新老師補習。不過，D焦慮都隔2日就出現。我知道ASD都係行為去改善情況，焦慮唔知可以行為改善定應該食咩？我都只可以正面回應同理解佢感受，但都仍解唔開個結。 Ans. 明白作為媽媽既難受。 我地去理解(或者評估)一個小朋友既情況可以用以下呢個方法，會比較全面(利申﹕呢個係我個人經驗，只供參考)。 ASD (自閉症譜系)﹕社交能力、溝通能力較弱、

Q61. 想問為何小朋友六歲前會被診斷為ADHD及需要服用精神科藥物？幼兒已有自殘和自殺傾向如何支援？ Ans. 感謝您的提問，我分兩部分回應。 第一部分：關於六歲前兒童被診斷為ADHD及用藥 在六歲前診斷 ADHD 要考慮多方面因素： 發展階段的差異： 學齡前兒童本來就活潑好動、注意力持續時間較短，這與ADHD的核心症狀（注意力不集中、過動、衝動）有重疊之處。因此，醫生需要非常小心地區分是「正常的活潑」還是「過度的活躍」。 診斷標準： 根據國際診斷標準（如DSM-5），症狀必須在兩個或以上的不同環境（例如：家中和學校）持續出現至少6個月，並且對孩子的社交、學習或功能造成明顯的負面影響，才會考慮診斷。 全面性評估還需要包括： 詳細臨床面談，與家長和孩子深入溝通。 行為問卷(SWAN / SDQ等)： 由家長、老師或主要照顧者填寫。 持續專注力測試系統，例如 CPT-3, TOVA 等等 在評估ADHD 時，亦要考慮小朋友是否有 ASD 傾向或其它共病可能。 根據多數用藥指引，只有在情況比較嚴重下，醫生才會在6歲前考慮使用藥物(須權衡利弊)。一般會

Q59. 9歲兒子哭訴沒有朋友，哭得很委屈，最近發現他搣指甲搣到沒曬甲了還要搣，至少有幾年沒有 搣 指甲，最近發現這個行為還和我哭訴沒有人和他做朋友另到我好心疼😔 Ans. 搣指甲嘅可能原因（尤其係復發） 焦慮/壓力反應：搣係常見嘅「自我安撫行為」（self-soothing），復發通常代表壓力源頭重新出現。 社交孤立感：你仔仔主動講「冇朋友」，顯示佢感到無助。9歲係小學高年級，朋輩關係開始複雜化（組團、排斥、比較），孤立感會放大焦慮。 潛在情緒問題：可能係輕度抑鬱、社交焦慮、或對學校/家庭變化嘅反應。 搣到「冇曬甲」係嚴重訊號，代表行為已失控，唔單止係習慣。建議儘早帶小朋友求醫。 ✍🏻撰文：精神科專科醫生 張正平醫生

Q58.: 「腦葉酸缺乏症」（Cerebral Folate Deficiency, CFD）既症狀係點？家長可以去邊度幫小朋友驗？ Ans. CFD（腦葉酸缺乏症）係一種罕見嘅神經代謝疾病。 CFD 主要影響腦部葉酸運輸，導致腦脊髓液中葉酸水平低，常見喺兒童時期出現。症狀通常喺嬰兒或幼兒階段開始，唔同個案可能有差異，常見包括： 發育遲緩或倒退：如頭生長緩慢、智力發育障礙、學習困難或失去先前習得嘅技能。 運動問題：肌肉張力低（hypotonia）、共濟失調（ataxia）、平衡或協調差、異常運動（如顫抖或僵硬）、或運動障礙。 神經系統症狀：癲癇發作（seizures）、煩躁不安、睡眠問題、抽搐（tics）、或視覺障礙。 行為或精神方面：可能有自閉症譜系特徵、語言發展遲緩、焦慮或煩躁。 香港案例及報導﹕ https://orientaldaily.on.cc/archive/20070112/new/new_a14cnt.html 呢啲症狀唔一定全部出現，如果小朋友有類似情況，可能同其他疾病重疊（如自閉症或代謝病），需要醫生評估。 家長可以去邊度幫

Q57.: 21歲，上課不能專注? Ans. 成人也會患上ADHD嗎? 專注力不足及過度活躍症 (簡稱 ADHD) 以往一直被誤解，以為只有兒童才會患上。硏究顯示有ADHD症狀的青少年中，大約有三成至七成患者的症狀會持續到成年。有些成人ADHD 的個案則是在長大成人之前沒有被識別或診斷。 要確診成人ADHD，必須要證實患者在兒童階段已經出現ADHD 的症狀。所以成人不會在成年後無緣無故患上ADHD，實際上是病情的延續。如果兒童階段沒有ADHD 的病徵，那麽你遇到的問題便可能是其它疾病的影響，例如抑鬱症、焦慮症或其它情緒問題。 更多資訊﹕ https://www.healthymindhk.com/adult-adhd ✍🏻撰文：精神科專科醫生 張正平醫生

Q56: 剛收到信排到兒童醫院的遺傳診斷，想請教下到診流程，同有咩會問㗎？🙏 A: 詳細流程可以參考兒童醫院 醫學遺傳科 的網上資料 https://www31.ha.org.hk/hkch/Pages/Patients/Services/CG/docs/Preparing_for_your_genetics_appointment_Chi.pdf 第一次到醫學遺傳科就診需時大約45至60分鐘，過程包括﹕ 1. 現時症狀及病歷查詢 2. 族譜和家族史分析 3. 身體檢查 4. 遺傳學化驗（如有需要） 5. 其他化驗、檢查或轉介（如有需要） 要帶備甚麼文件？ • 覆診預約便條 • 就診病人的身份證明文件（如香港身份證、出世紙、護照）* • 未滿 18 歲病人之父母／監護人的身份證明文件（如香港身份證、護照） • 其他可讓醫生了解病人醫療狀況的相關文件（如醫生轉介信、母嬰健康院紀錄、兒童評估 紀錄、化驗報告、掃描影像等） ✍🏻撰文：精神科專科醫生 張正平醫生

Q55 : 最近美國FDA批准使用亞葉酸鈣 (leucovorin) 治療ASD，想確認係真？香港可以都使用嗎？有使用亞葉酸鈣的限制嗎？ Ans.: 根據2025年9月22日的FDA公告，他們啟動了快速通道程序，批准亞葉酸鈣片劑用於治療「腦葉酸缺乏症」（Cerebral Folate Deficiency, CFD），這是一種罕見的葉酸代謝障礙，常與ASD的某些症狀（如語言障礙和發展遲緩）相關。 這不是針對所有ASD患者的通用批准，而是專門針對CFD導致的ASD症狀。 美國兒科學會 （AAP）在2025年10月表示，目前證據不足以支持在所有ASD兒童中常規使用亞葉酸鈣，並強調需要更多大型研究。 在香港，亞葉酸鈣（或其通用名Calcium Folinate）不是針對ASD的註冊治療藥物，但它作為一種已註冊的藥物可用於其他適應症（如癌症化療的輔助解毒劑）。香港藥物註冊委員會（Pharmacy and Poisons Board）未批准其用於CFD或ASD，但醫生可基於臨床需要進行「off-label」（非註冊用途）處方，尤其如果有CFD診斷證據。 低

Q54.: 小朋友6歲，輕微ASD，整體發展遲緩，經過訓練而追回比同年齡大概相差半年，懂得表達自己，可以說到長句子，但好鍾意扮BB，行為上及言語都會講BB話，對媽媽極度倚賴要以媽媽頭髮作安撫，成日要抱及攬，請問如何令佢改善以上行為？ Ans.: 6歲輕微自閉症譜系（ASD）孩子出現「BB」行為和極度依賴，對媽媽來說是個大挑戰。這通常不只是「行為問題」，更是孩子內在需求與能力落差的表現。我地嘗試理解下小朋友既行為﹕ 安全感(感覺統合)需求：媽媽的頭髮、擁抱所帶來的觸覺，能幫助小朋友安撫感官，幫助他們面對壓力。 溝通與能力的落差：雖然他能說長句，但在社交、情緒表達或處理複雜情境時可能仍有困難。「扮BB」是一個讓他感到安全、熟悉的角色，能降低外界對他的社交要求。 如何有步驟地改善？ 改善的核心理念是：「接納情緒，漸進式塑造行為」，幫助小朋友建立更成熟的方式來滿足同樣的需求。 第一步：接納與建立安全感（基礎工作） 不否定，先接納：當他講BB話或索抱時，避免講「你大個仔啦，唔好咁啦！」這會增加他的焦慮。可以溫和地回應：「媽媽好鍾意你，我知你好想攬住我。」同

Q53.: 一般都話ASD 小朋友需要補充 B6 and magnesium ，想請問醫生會建議嗎？ 補充劑量如何計算？ 網上產品都係B complex 。 ASD 小朋友成年後好多時同 Epilepsy 拉上關係，究竟係藥物有此長遠副作用，還是ASD小朋友本身有高風險的Epilepsy 謝謝解答。 Ans.: 關於ASD 既飲食及營養建議, 我放左係呢度 https://www.healthymindhk.com/post/asd_nutrition_supplements "儘管法國學者早期研究指出高劑量B6（每日30mg/kg）與鎂的組合可減少刻板行為，但2020年綜合分析認為 現有證據強度不足 ，僅建議在營養師監控下短期試用，需注意過量B6可能引發周邊神經病變。" --> 建議進行抽血檢查，看看小朋友是否缺乏 B6及鎂。 ASD 同 Epilepsy (癲癇症) 既關係﹕研究顯示，兩者有高度共病性，大概 25-30% ASD 個案有機會出現 Epilepsy。呢種連繫同智力亦有關係，如果 ASD 小朋友智力正常，咁佢地出現 Epilep

Q52.: 17歲兒子可能有社交焦慮，近排因為同班女同學取笑之後，已經不願意返學，想請問一下呢一刻係咪唔適合俾佢返學？ Ans.: 呢個係個比較難取捨既問題。家長可能想俾仔仔係屋企休息下，再番去學校面對；但另一方面又擔心佢唔番學所做成既影響。 答呢個問題，主要視乎番仔仔既情緒去決定。如果佢情緒唔算太差，無任何傷害自己既行為或者諗法，我會鼓勵佢番學，但同時間要搵適當既支援，例如心理學家、社工、輔導等等。呢個可以視為仔仔既一個挑戰，如果佢處理到，佢會變到更有信心去處理呢啲人際問題。 但如果佢既情緒真係好差，好抑鬱，甚至好多負面思想或有傷害自己既行為，咁就要搵醫生評估下同埋睇下係咪要放病假。如果放病假，都儘量鼓勵仔仔接觸番啲好朋友同埋係學業上都儘力咁跟進下，避免佢之後番番學跟唔上進度仲大壓力。 最擔心既情況係，情況無好好處理，然後仔仔用左拒學嚟到逃避，咁既做法一開始可能有用，但當佢要番去面對番學校個環境既時候，個挑戰只會令佢更大壓力，因為佢對學校停留左係個好差既印象(俾人取笑)。 ✍🏻撰文：精神科專科醫生 張正平醫生

Q51.: 除咗藥物治療，ABA同OT適合ADHD 小朋友嗎？補充鐵質又是否有幫助？ Ans.: ADHD 既治療應該包含藥物治療、行為訓練、家長管教課程及家校合作, 從而係各方面改善小朋友既問題。 詳見﹕ https://www.healthymindhk.com/adhd 行為訓練可以係 ABA (雖然 ABA 較為針對 ASD)，可以係執行功能訓練，可以係感統訓練 (由 OT 進行)，可以係遊戲治療 (如果情緒方面較多問題)，可以係專注力練小組。需要邊一類型既訓練，主要視乎番小朋友既情況及共病去決定 (ADHD 亦有分不同類型)。 補充鐵質又是否有幫助？ 係飲食上補充鐡質就可以，除非驗左血話鐡質唔夠 (例如缺鐡性貧血)，先至諗鐡質補充劑。 關於 ADHD 飲食及營養補充，詳見﹕ https://www.healthymindhk.com/post/adhd_supplement ✍🏻撰文：精神科專科醫生 張正平醫生

Q50: 我有個南亞裔學生小三時好正常，經常笑和吱吱渣渣，小四轉左班被老師經常投訴冇禮貌、吾采人，小五回歸我跟，她真的很沉默，冇咩眼神接觸，冇表情兼問十句佢細聲回一句， 有天我教功課時，她用memo 紙上寫上：老師你可以講慢一點嗎？ 隔天我輕輕拍她肩膀說： 你有需要可以寫紙仔俾我，我okay 既」 當日離開時她有向我揮手和微笑，是開學以來第一次。 請問：她是否似患有選擇性緘默症？還是其他緘默症會在高小的時候才發生嗎？因為是南亞裔基層家長應該唔識處理。 Ans.: 關於選擇性緘默症，可以參考﹕ https://www.healthymindhk.com/post/selective-mutism 個同學仔小三正常、小四開始無禮貌、小五表現沉默但會用 memo 紙同老師溝通，同埋會對老師揮手和微笑 (證明老師做得好好) … 如果只係睇佢小五既表現，咁同選擇性緘默症既徵狀係接近既，如果佢係其它地方係可以溝通正常，咁就好大機會係選擇性緘默症。當然非典型既地方係選擇性緘默症通常係比較細個嗰陣出現 (2-4歲)，另一個非典型既情況就係佢小三正常、小四亦都無相

Q49.: 女兒因為行為衝動，情緒不穩定，5歲10個月開始服食Ritalin 10mg 1/4粒，沒有效果，6歲開始早上食1粒，中午12時再食1粒，專注只維持1小時左右，其餘時間都是情緒好大，會大叫大喊，嚴重影響課堂，直至現在小一仍然如是，請問是否食錯藥？ Ans.: 我地睇 ADHD 既小朋友，好多時都要睇下佢地有無其它共病，例如自閉症譜系 (ASD)。 如果係單純 ADHD 既話，咁大概 80% 會係食藥之後有改善。如果刺激中樞神經藥物唔得，就考慮其它 ADHD 藥物。 https://www.healthymindhk.com/post/adhd-non-stimulant-medication 如果係 ADHD + ASD 既話，咁對藥物既反應相對可能會無咁理想。如果佢持續情緒失控, 有時我地會用上 Aripiprazole 呢款藥物去協助改善情緒狀態。 https://www.healthymindhk.com/post/aripiprazole-for-children 當然，藥物以外亦都要考慮其它行為療法，例如 ABA、遊戲治療等等

Q48.: Methylphenidate HCL 10mg 跟 Cetirizine HCL 10mg有什麼不同呢? 我跟醫生說了我哋食緊Methylphenidate 半粒，如果食1粒心跳很快好唔舒服，醫生也表示轉食8小時成效副作用更大，所以問醫生可否1天食2次半粒Methylphenidate 4小時，返學前食+放學後4pm再食，醫生話OK，但卻開了另一隻Cetirizine 10mg，叫我哋1日2次，有什麼分別呢? 謝謝 Ans.: 我其實都諗唔到有咩情況之下要用 Cetirizine... 除左抗敏感... 如果小朋友有敏感 + ADHD 問題，咁係可以用 Cetirizine 既... 如果唔係，我建議打電話番去門診，問下姑娘，請教下點解要開 Cetirizine? 順帶一提，有另一款抗敏感藥係我地常用既﹕ Cyproheptadine 呢款抗敏感藥有機會改善小朋友既胃口，所以我地都有機會搭住 Stimulant (例如 Ritalin) 去減少藥物對胃口既影響。 ✍🏻撰文：精神科專科醫生 張正平醫生

Q47.: 請問我小朋友專注不足，坐唔定，但他情緒穩定的。這款補給有幫助嗎？會有什麼副作用嗎？ 日本聰明豆 (腦活力) - ADHD營養補充品 Ans.: 關於 ADHD 飲食及營養補充品既建議，可以參考番呢篇文章 https://www.healthymindhk.com/post/adhd_supplement 日本聰明豆 (腦活力) : https://www.tenchi-smartbrain.com/ 呢個係佢既網站，有興趣想了解既家長可以 click 入去睇下 佢入面有提及啲研究資料 - ^每天額外補充300-800 mg的PS磷脂醯絲胺酸，可以幫助建立大腦的認知功能，包含短期及長期記憶、推理和解決問題能力、語言與溝通技巧等等。 - ^2014年《Journal of Human Nutrition and Dietetics》研究中也證實，每天額外補充200 mg的PS磷脂醯絲胺酸，可以顯著改善過動症兒童的相關症狀，並提高專注力。 - https://pubmed.ncbi.nlm.nih.gov/23495677/ - 指既係呢篇