Q51.: 除咗藥物治療，ABA同OT適合ADHD 小朋友嗎？補充鐵質又是否有幫助？ Ans.: ADHD 既治療應該包含藥物治療、行為訓練、家長管教課程及家校合作, 從而係各方面改善小朋友既問題。 詳見﹕ https://www.healthymindhk.com/adhd 行為訓練可以係 ABA (雖然 ABA 較為針對 ASD)，可以係執行功能訓練，可以係感統訓練 (由 OT 進行)，可以係遊戲治療 (如果情緒方面較多問題)，可以係專注力練小組。需要邊一類型既訓練，主要視乎番小朋友既情況及共病去決定 (ADHD 亦有分不同類型)。 補充鐵質又是否有幫助？ 係飲食上補充鐡質就可以，除非驗左血話鐡質唔夠 (例如缺鐡性貧血)，先至諗鐡質補充劑。 關於 ADHD 飲食及營養補充，詳見﹕ https://www.healthymindhk.com/post/adhd_supplement ✍🏻撰文：精神科專科醫生 張正平醫生

Q50: 我有個南亞裔學生小三時好正常，經常笑和吱吱渣渣，小四轉左班被老師經常投訴冇禮貌、吾采人，小五回歸我跟，她真的很沉默，冇咩眼神接觸，冇表情兼問十句佢細聲回一句， 有天我教功課時，她用memo 紙上寫上：老師你可以講慢一點嗎？ 隔天我輕輕拍她肩膀說： 你有需要可以寫紙仔俾我，我okay 既」 當日離開時她有向我揮手和微笑，是開學以來第一次。 請問：她是否似患有選擇性緘默症？還是其他緘默症會在高小的時候才發生嗎？因為是南亞裔基層家長應該唔識處理。 Ans.: 關於選擇性緘默症，可以參考﹕ https://www.healthymindhk.com/post/selective-mutism 個同學仔小三正常、小四開始無禮貌、小五表現沉默但會用 memo 紙同老師溝通，同埋會對老師揮手和微笑 (證明老師做得好好) … 如果只係睇佢小五既表現，咁同選擇性緘默症既徵狀係接近既，如果佢係其它地方係可以溝通正常，咁就好大機會係選擇性緘默症。當然非典型既地方係選擇性緘默症通常係比較細個嗰陣出現 (2-4歲)，另一個非典型既情況就係佢小三正常、小四亦都無相

Q49.: 女兒因為行為衝動，情緒不穩定，5歲10個月開始服食Ritalin 10mg 1/4粒，沒有效果，6歲開始早上食1粒，中午12時再食1粒，專注只維持1小時左右，其餘時間都是情緒好大，會大叫大喊，嚴重影響課堂，直至現在小一仍然如是，請問是否食錯藥？ Ans.: 我地睇 ADHD 既小朋友，好多時都要睇下佢地有無其它共病，例如自閉症譜系 (ASD)。 如果係單純 ADHD 既話，咁大概 80% 會係食藥之後有改善。如果刺激中樞神經藥物唔得，就考慮其它 ADHD 藥物。 https://www.healthymindhk.com/post/adhd-non-stimulant-medication 如果係 ADHD + ASD 既話，咁對藥物既反應相對可能會無咁理想。如果佢持續情緒失控, 有時我地會用上 Aripiprazole 呢款藥物去協助改善情緒狀態。 https://www.healthymindhk.com/post/aripiprazole-for-children 當然，藥物以外亦都要考慮其它行為療法，例如 ABA、遊戲治療等等

Q47.: 請問我小朋友專注不足，坐唔定，但他情緒穩定的。這款補給有幫助嗎？會有什麼副作用嗎？ 日本聰明豆 (腦活力) - ADHD營養補充品 Ans.: 關於 ADHD 飲食及營養補充品既建議，可以參考番呢篇文章 https://www.healthymindhk.com/post/adhd-supplement 日本聰明豆 (腦活力) : https://www.tenchi-smartbrain.com/ 呢個係佢既網站，有興趣想了解既家長可以 click 入去睇下 佢入面有提及啲研究資料 - ^每天額外補充300-800 mg的PS磷脂醯絲胺酸，可以幫助建立大腦的認知功能，包含短期及長期記憶、推理和解決問題能力、語言與溝通技巧等等。 - ^2014年《Journal of Human Nutrition and Dietetics》研究中也證實，每天額外補充200 mg的PS磷脂醯絲胺酸，可以顯著改善過動症兒童的相關症狀，並提高專注力。 - https://pubmed.ncbi.nlm.nih.gov/23495677/ - 指既係呢

Q46. 請問Ritalin 藥正副廠有什麼分別？是不是副廠藥普遍副作用較大呢？謝謝 Ans.:關於正廠和副廠藥既分別，詳細可以參考我寫既關於 Panadol vs Paracetamol 既文章。 https://www.healthymindhk.com/post/paracetamol-panadol-difference 懶人包﹕ 1. 正廠藥係專利藥物，過左專利權之後，其它藥廠就可以生產該款藥物，呢個就係副廠藥。 2. 副廠藥在推出市場前，一般都須要提交相關的化驗報告，證明其藥效與正廠藥有接近或相同效果。不過，副廠藥的非有效成份，例如色素、塗層等等是有機會與原廠不同的，這亦導致副廠藥在藥物顏色及藥物味道上可能與正廠藥有分別。 Ritalin (Methylphendiate) 既情況有少少特別﹕ - Ritalin 係4小時正廠藥物，副廠藥通常用 Methylphenidate 呢個化學成分作為稱呼 - Ritalin LA 係8小時藥物，暫時係 HK 無副廠藥 - Concerta 係 12小時正廠藥，副廠係 TEVA-Methylp