Q24. 小朋友 2 年前被評為 ASD，最主要是社交和溝通技巧的問題，經訓練後，現在與一般小朋友沒甚差異，但發覺在一些特定的時候，例如一班小朋友表演唱歌時，別人都是站好唱歌和做動作，而我的小朋友在整個過程中都是不能站定，會不停周身郁、四處張望，間中唱幾句做幾下動作便又再不停動和四處望，結果在一班做著同一件事情的小朋友中，她的行為顯得相當怪異，我擔心她有沒有其他問題存在。 Ans. 我估家長會擔心佢係咪過度活躍 (ADHD)。咁呢, 我地睇一個小朋友有無 ADHD，就唔會睇單一事件既，要睇下佢有無係其它地方都有類似問題，例如上堂、去補習社，其它興趣小組等等，有無類似既情況。亦都要睇下佢有無其它既 ADHD 徵狀，例如離位、橫衝直撞、難以自控、難以安靜地玩玩具或參與休閒活動等等等等。最後都要了解下，呢啲行為有幾影響小朋友既生活。 家長可以使用 SNAP-IV 問卷，睇下小朋友有 ADHD 既傾向大唔大﹕ https://www.healthymindhk.com/snap-iv 關於 ADHD 既更多資料，可以參考我們的網站資料﹕...

Q23. 中度自閉症男童，專注力低，同埋都好動，請問有咩益生菌或者 Supplement 可以幫到佢？ 關於 ASD 及 ADHD 的飲食及 Supplement 建議，請參考以下資料﹕ https://www.healthymindhk.com/post/adhd_supplement 及 https://www.healthymindhk.com/post/asd_nutrition_supplements 益生菌方面，相對比較多研究的菌株為 PS128 https://www.growtheshop.com/post/what-is-ps128 ✍🏻撰文：精神科專科醫生 張正平醫生

Q22. 小朋友返學日子食緊Vyvanse 30mg 一粒 13小時，假日要去補習就食Ritalin IR 4小時藥效兩粒，效果無Vyvanse咁好但夠補習一小時用，但上個月開始覺得返學上堂時藥力唔夠，醫生話可以加到40mg但胃口會更差，佢已食少左好多野，唔想佢食得更少影響發育，請問若果改為Ritalin 短效但高啲劑量，效果會等同Vyvanse40mg嗎？如果食Ritalin短效就可以中午有返啲胃口食野，食完午飯再補藥，這樣理解正確嗎？ Ans. Vyvanse 同 Ritalin 雖然都係 stimulant (刺激中樞神經藥物)，但屬於唔同class 既 stimulant，藥性上都係有分別的，無得直接比較。有部份對 Vyvanse 無效既 case, 轉用 Ritalin / Ritalin LA / Concerta 有機會有改善；相反都係。用邊款藥，主要睇 client 既整體 profile 同佢既需要。 你形容既情況似乎唔係無效，而係唔夠藥力，咁我地通常會嘗試係劑量上調整。胃口差既問題，可以考慮營養奶(例如加營素) 或者使用 Cy

Q21. 之前看到 Vit D 有助舒緩 ASD，所以過往7個月有幫小朋友補充 Vit D 和 Calcium，但看到新聞說過多 Calcium會令生長板癒合，請問是真的嗎？ 如是，我需要幫小朋友驗骨齡嗎？ 感謝 Ans. 關於 ASD 既飲食建議，可以參考番我地之前既文章 https://www.healthymindhk.com/post/asd_nutrition_supplements 基本上 , ASD、ADHD、情緒困擾，都可以考慮補充番啲 Vit D 之前有分享過，香港青少年有 Vit D deficiency 既比例都係頗高的。 https://pubmed.ncbi.nlm.nih.gov/27010646/ 其實呢, 仲有個研究係睇番香港既初生嬰兒既Vit D 夠唔夠，結果顯示唔夠既情況都係普遍既情況。 https://www.hkmj.org/system/files/hkm1803sp3p32.pdf 所以呢, 就算小朋友得2歲，都係可以考慮 Vit D 既 supplement (滴劑)。 至於補幾多，可以參考番唔

Q20. 小朋友3歲7個月，2歲時老師講過小朋友似資優，想問係咪一定要足4歲先可以做韋氏評估？小朋友鍾意同大人傾計，但成日同小朋友傾計格格不入，會係ASD 嗎？ Ans. 2歲以上都可以做評估，用既工具係史丹佛-比奈智力量表 Stanford Binet Test 如果 4歲-6歲就會用韋氏幼兒智力量表 WIPPSI 6歲以上呢就用番韋氏兒童智力量表第四版（WISC-IV） 主要視乎小朋友係咪有需要要做資優評估。 另外 ， 上到小學 ， 有可能被要求再做一次智力評估 ， 到時已經夠6歲 ， 就一定係韋氏兒童智力量表。 小朋友鍾意同大人傾計 ， 但同小朋友格格不入... 我地唔會單純睇一樣情況決定小朋友是否 ASD。家長如果有擔心，可以做下呢個網上測試先﹕ https://www.healthymindhk.com/childhood-autism-spectrum-test ✍🏻撰文：精神科專科醫生 張正平醫生

Q19. 12歲adhd患者 一路食開長效型Ritalin LA 10mg，去年增加到20mg開始出現失眠問題， 晚上唔瞓覺。 今年覆診同醫生講要求Ritalin LA 15mg， 但係因為藥嘅問題只可以開一粒10mg嘅長效藥同埋半粒10mg 短效藥。問一問早上吃1粒長效型10mg，另外中午加短效型5mg(方案一)，與1粒長效藥和1粒短效藥均在早上吃(方案二)，哪方案較好?較穩定?如避免影響睡眠，方案一定方案二較好? Ans. 無論方案一定二 ， 其實都係係 8hrs 既 Ritalin LA 上 ， 再疊加 4個hrs 既 Ritalin 爭在嗰4個小時係加係上午定下午。 我個人覺得 ， 都係睇番小朋友需要 ， 如果上晝要專心啲 ， 就加上晝；如果下晝問題多啲 ， 就加下晝。 咁當然啦 ， 理論上 ， 下晝既劑量重啲 ， 可能影響睡眠既機會就多少少。 但實際呢 ， 我當你下晝2p.m. 補一次4hrs 既藥 ， 咁個藥力大概係去到6p.m. 左右 ， 理論上應該唔會太影響睡眠既。 咁睡眠既問題可以點處理? 1. 放電! 足夠既運動 ， 小朋友會

Q18. 4歲半小朋友，經常空閒時扮演老師、自言自語, 有問題嗎? 本身係專注力不足的小朋友。 Ans. 角色扮演同埋自言自語，係學齡前兒童都係常見的，未必代表出現問題。如果有擔心，亦都不妨與幼稚園/ 幼兒園老師詢問一下，睇下小朋友與同齡既小朋友有無咩分別，睇下小朋友係學校有無咩問題。 我地做任何診斷，都唔會剩係睇一至兩個行為，而係要更全面咁了解番小朋友係唔同埸合既表現。 如果你係擔心佢有 ASD 傾向，都可以試下填呢個問卷﹕ https://www.healthymindhk.com/childhood-autism-spectrum-test ✍🏻撰文：精神科專科醫生 張正平醫生

Q17. 最近帶4歲小朋友去過心理學家做資優評估，得出結果係iq141，當中嘅細分係verbal comprehension 155 ， visual spatial 130 ， working memory 94。不過EP就擔心working memory特別低，有機會係ADHD；想問吓其實呢個年紀可以做ADHD評估未？同埋除咗做評估仲有咩可以幫到佢？ Ans. IQ 141... 呢個應該係我接觸過比較高既數字... 佢既語言能力係非常非常非常之優秀... 呢點你一定感受到! 基本上你唔使擔心佢有 ASD 既問題。Working memory 呢 part 係比較反映佢既專注能力，所以 EP 先會懷疑佢有 ADHD。 4歲都可以做評估既 ， 但坦白講 ， 可能無咁準確; 同埋就算佢係 ， 一般都唔會考慮用藥住。可以考慮等到6歲先再評估。 咁有咩可以幫佢訓練個 working memory ， 可以考慮用童樂既 Cogmed training. https://www.healthykidhk.org/post/cogmed-working-m

Q16. 6歲 小朋友ASD + ADHD，食緊ritalin 1年2個月左右。開頭胃口都ok，但係最近6個月胃口唔好，無再高過。由75%跌落去50%。除左營養奶，cyproheptadine開胃藥，仲有無 d 乜嘢方法可以試？ Ans. 首先要考慮下除左藥物外，有無其它因素導致小朋友近6個月胃口特別差 (情緒困擾、偏食問題、身體不適等等)，一般嚟講，胃口差既問題，通常係用藥初期比較明顯。 咁如果真係藥物令到胃口差左，可以點做呢？ 你所講既營養奶同 Cyproheptadine 都係常用既方法。如果都唔得，可以考慮以下既方案 (記得同醫生商量下先)﹕ 1. 調整食藥&用餐時間，例如，食完個豐富既早餐先食藥(雖然藥效可能會耐少少先見到); 晚餐儘量豐富啲 (同埋等藥力過晒, 無咁影響胃口先食晚餐) 2. 調整用藥劑量﹕睇下有無下調空間 3. 調整用藥安排﹕睇下會唔會用短效藥，等小朋友個 lunch 無咁大影響 4. 轉用其它非刺激類藥物﹕例如 Atomoxetine 或者 Guanfacine / Intuniv (詳細資料﹕ https://ww

Q15. 10歲 小朋友ASD屬情緒波動，經常會偏向負面思想，精神科醫生和CP都認為不需要服藥。想請教醫生，有甚麼食材/營養品，可以提升腦部感到快樂？ Ans. 關於 ASD 的飲食及營養建議, 可以參考 https://www.healthymindhk.com/post/asd_nutrition_supplements 另外 ， 適當的運動 ， 培養合適的興趣 ， 都能夠提升一個人的情緒狀態。 另外 ， 要小心電子產品的應用 ， 小朋友一旦沉迷 ， 容易出現情緒困擾。 如果醫生、心理學家都認為小朋友的情況未至於嚴重到要用藥 ， 可以考慮繼續心理治療、行為治療及遊戲治療，通過非藥物方式去處理小朋友的情緒問題。 ✍🏻撰文：精神科專科醫生 張正平醫生

Q14. 4歲半小朋友（ASD, 懷疑ADD) 一向細膽/黏人，早前重感入院，我陪伴在側，出院後經常發惡夢，要求我抱抱，現在返返工，朝早起身見唔到我就大哭大鬧，上興趣班要求我陪上堂，已影響佢學習/發展，我懷疑佢有分離焦慮。請教醫生如何減緩她的焦慮。謝謝 Ans. 對於ASD小朋友，突然的生活轉變(例如入院)，可能打亂了她們的慣常生活，增加了她們的焦慮，導致她們的不安感上升，變得更依賴家長。 她們的表逹能力可能較弱，未必能夠表逹她們這方面的情感須要。 可以的話，先處理她們的不安感，重新建立她們的安全感。當她們從新回到自己熟悉的規律，分離焦慮的問題亦有機會得到改善。 可以試下從這個方向了解下小朋友的困擾，亦可以試下找遊戲治療師, 通過遊戲的形式, 協助小朋友處理她們的困擾。 ✍🏻撰文：精神科專科醫生 張正平醫生

Q13. 9歲 小朋友ASD、ADHD、有限智能，同人講嘢間中兩句正常其他講埋啲無聊嘢⋯同人好難互動交流溝通⋯感覺呢一年好似進步不大，唔知可以點幫佢。而家讀緊主流小學二年班，做緊Neurofeedback Ans. 小朋友面對的問題可能比較多，可能須要跨專業團隊合作 - 言語治療師﹕言語訓練 / 增強表逹能力 - ABA /社交訓練小組﹕提升社交能力 - 遊戲治療﹕通過遊戲互動，處理情緒困擾 - 教育心理學家﹕針對學業困難，制定 IEP (individual education plan) - 精神科/兒科醫生﹕考慮使用藥物，針對處理 ADHD 問題。有時候，專注力/行為改善亦會使訓練效果加倍。 小朋友的每樣問題都可以使到進步受阻，須要詳細評估。 ✍🏻撰文：精神科專科醫生 張正平醫生

Q12. Vyvanse 20mg，想先試半粒，係咪倒膠囊嘅藥粉出嚟分半就可以？ Ans (✍🏻精神科專科醫生 張正平醫生) Vyvanse 膠囊是可以打開的，入面是粉末。這個設計是方便 吞服膠囊有困難的小朋友 ， 可以 將膠囊內的粉末倒入水或橙汁中，然後服用。 如果想將 Vyvanse 20mg 減半，可以考慮將藥粉溶入水中後，飲一半的份量。 另外，Vyvanse 的最低建議劑量是 20mg，最高劑量為 70mg。 延伸閱讀﹕ 【新藥資訊】甚麼是唯穩思®？有甚麼特點和療效？

Q11. 8歲 小朋友ADHD，服用專注達，平時星期一至五服用，有時小朋友夜瞓，早上起床感到不夠精神，這個情況仍然要求小朋友食藥嗎？請問可否按他意願而没有定期食藥？ Ans (✍🏻精神科專科醫生 張正平醫生) 如果用藥效果理想而又沒有太多副作用的話，我們一般是建議持續食藥的，並讓小朋友養成習慣。希望小朋友能在不同場合都改善狀態 (減少衝動、改善專注)，提升他們的學習表現並改善他們的社交關係。 如果小朋友用藥後副作藥比較明顯，例如胃口差，我們便可能安排藥物假期。藥物假期一般在長假期安排，讓小朋友可以改善胃口及體重。但須平衡風險，所以最好先跟醫生討論。 如果小朋友在用藥後較難入睡或小朋友錯過早上食藥時間，其實可以考慮較短效藥物，例如 Ritalin LA (8小時藥力) 或 Ritalin IR (4 小時藥力)。

Q10. 5歲小朋友 做左智力評估，評出來的結果60分，屬輕度。有無方法提升小朋友智力？ Ans (✍🏻精神科專科醫生 張正平醫生) 關於「智力是否能夠提升」的問題，科學界和醫學界已有多年的研究與討論。答案並非簡單的「是」或「否」。 傳統智力測驗（如智商測試）主要評估邏輯推理、記憶力、語言能力等認知功能，但現代研究指出： 智力包含多種維度：流體智力（解決新問題的能力）、晶體智力（知識累積）、社交智力等。 動態發展特性：兒童大腦神經可塑性極高，尤其在0-6歲關鍵期，環境刺激能顯著影響神經連結形成。研究指出透過重複練習與豐富刺激，大腦皮層厚度、海馬迴體積等可發生結構性改變。 遺傳基因決定了約50-80%的智力潛能範圍，但環境能影響基因表達。輕度智力障礙兒童的「天花板」可能低於平均水平，但通過持續訓練仍有些許提升空間，例如認知訓練 (Cogmed Training) 有助改善基礎能力：注意力、工作記憶、處理速度。 不過，與其追求智商分數的提升，不如強化生活自理、社交溝通等實用技能及培養優勢能力。過度追求「智力提升」可能造成孩子焦慮、排斥學習。切忌依賴

Q8. 3歲5個月小朋友剛剛做左評估，發現有語言發展遲緩同有輕度自閉症，想問有冇咩訓練堂可以俾佢上？同家長可以點幫佢？ Ans (✍🏻精神科專科醫生 張正平醫生) 小朋友在 3歲5個月 發現有語言發展遲緩同有輕度自閉症，首先要做的是安排適當訓練，儘快改善小朋友各方面的能力。越早介入，越能協助小朋友融入主流教學。 訓練方面可以考慮政府提供的學前康服服務 (I位、E位、O位、S位) 或私人服務。 政府學前康服訓練服務 須由合資格專家(註冊臨床心理學家、教育心理學家、兒科醫生或精神科醫生) 在評估小朋友狀況後填寫學前兒童康復服務 表格2 轉介信。 家長帶同身份證明文件及上述表格2 前往就近 綜合家庭服務中心 由社工協助轉介輪候服務(I位、E位、O位、S位)。 ​I 位：幼稚園暨幼兒中心兼收計劃 在參與計劃的幼稚園暨幼兒中心內，為幼兒提供訓練，使幼兒能夠與其他普通兒童一起學習。 O位：到校學前復康服務 不同的治療師(例如職業治療師、言語治療師等等)會到參與計劃的學校，為幼兒提供到校訓練服務。 E位：早期教育及訓練中心 幼兒每星期到參與計劃的訓練

Q7. ADHD/ASD 小朋友可以申請傷殘人士登記證嗎？ Ans (✍🏻精神科專科醫生 張正平醫生) 可以的, 多數 SEN 學童都可以申請傷殘人士登記證。「殘疾人士登記證」證由勞工及福利局（勞福局）發出，旨在為殘疾人士提供身份認證，以便享有公共服務優惠。殘疾人士登記證適用於多種殘疾類別，包括但不限於視障、聽障、肢體殘疾、智力障礙、慢性疾病、精神疾病、過度活躍症及自閉症譜系障礙、特殊學習障礙(讀寫障礙)等。 該證分為以下兩類： 永久登記證 臨時登記證：需每兩年續期，持證人須於有效日期屆滿前兩個月內，提出續證申請，否則該證件到期後便會自動失效。 持有「殘疾人士登記證」可享有一些機構提供的優惠，例如海洋公園免費入場、迪士尼入場門票7折等等。 但「殘疾人士登記證」不等於傷殘津貼﹗「殘疾人士登記證」持有人亦不一定合資格申請傷殘津貼﹗很多家長有誤解了這部分，須要多加留意。 延伸閱讀﹕ 殘疾人士登記證 申請 指南

Q6.: ASD 有沒有嚴重程度分別 ？ Ans (✍🏻精神科專科醫生 張正平醫生) 根據DSM-5，自閉症的嚴重程度分為三個級別，根據社交溝通障礙和限制性行為的影響程度進行分類： 一級（需要支持）： 特徵：小朋友在社交互動中有明顯困難，但能夠在有支持的情況下獨立生活。例如，可能在社交場合中顯得笨拙或缺乏主動性，但能通過語言表達需求。 支持需求：需要輕度支持，如社交技能訓練或環境調整。 二級（需要顯著支持）： 特徵：社交和溝通障礙更為明顯，限制性行為可能干擾日常生活。例如，小朋友可能有有限的語言能力或強烈的刻板行為，難以適應變化。 支持需求：需要結構化的支持，如行為治療、語言治療或特定的教育計劃。 三級（需要非常顯著的支持）： 特徵：嚴重的社交和溝通障礙，可能完全無語言能力或僅有極少語言表達。限制性行為嚴重影響日常生活，可能伴隨自傷行為或極端的情緒反應。 支持需求：需要全面、持續的支持，包括全天候的監護或專業干預。 延伸閱讀﹕ 如何評估自閉症的嚴重程度

Q5.: 之前睇私家食專注達副廠藥，情緒都好正常。最近2個星期，排到政府開藥，食正廠。情緒有少少就好爆。Vay-r (維智寧) 之前食2粒，我都改返1粒。情緒突然咁爆，會唔會關正副廠藥問題？ Ans (✍🏻精神科專科醫生 張正平醫生) 其實小朋友可能經歷緊其它轉變 (功課多左, 就嚟考試, 家庭衝突多左等等) ， 呢啲外在因素都可能影響到小朋友既情緒。 咁如果佢係食左 Vay-R 先開始情緒爆, 就試下直接停左個 supplement。 如果佢係轉左正廠先開始情緒爆 ， 咁你可以試番副廠藥。 呢度都分享多少少 ， 專注達正廠係 Janssen 既 Concerta ， 副廠係TEVA 既 Methylphenidate Extended Release, 兩個既主要成份係一樣既, 都係 Methylphenidate (Ritalin, Ritalin LA 既主要成份都係 Methylphenidate)。 但 TEVA 既藥物釋放機制唔係 Concerta 用既 OROS (osmotic release oral system) 。 簡單

Q4.: 小朋友初期發現妥瑞症時，面部動作較聲音多，呢個星期面部動作少了，但聲音變得非常多，如果不制止，每分鐘可以有近20次，音量還要又大又尖又密，令我和爸爸覺得極煩，情緒變得很差，我問過小朋友點解係學校唔會咁嚴重，老師甚至話佢出現的都是小問題，沒有做成大影響，小朋友話係學校忍得好辛苦，返到屋企忍不到了，請問小朋友表現是否正常，為何症狀會如此改變？請問有何方法或渠道可以幫助小朋友？ Ans (✍🏻精神科專科醫生 張正平醫生) 妥瑞症的診斷標準包括：動作和聲音抽動同時存在、症狀持續至少一年，幾乎每天出現、發病年齡在18歲前、排除藥物或其他身體疾病的影響。 Tics (抽動行為) 既定義係非自主動作 ， 即係個行為本身係非不能控制的。但有時有啲小朋友係可以係佢出現或就黎出現嗰陣壓制佢。當然啦 ， 呢啲壓制好多時會導致精神疲倦或不適。 抽動症和妥瑞症沒有根治方法，但如果症狀影響日常生活，可以透過治療控制。治療目標是減輕抽動和改善生活品質，而不是完全消除。 行為治療：如行為干擾治療法（CBIT, Comprehensive Behavioral Int